Махамбет Досмұхамбетов отандық тауар өндірушілерін қолдауды міндеттеді

«Бұл туралы Атырау облысының әкімі Махамбет Досмұхамбетов
Мақат ауданы әкімінің есеп беру жиынында айтты» деп хабарлайды Атырау облыстық коммуникациялар қызметі.

«Мақат ауданында белсенді шағын және орта бизнес субъектілері санының төмендеуі байқалады. Тауар айналымы да азайған.
Жергілікті қамту саласы айрықша көңіл бөлуді қажет етеді.

Ауданда тауарлар мен қызметтерді сатып алу кезінде отандық тауар өндірушілердің өнімі мен қызметтерін пайдалану қажет. Сондықтан, мемлекеттік сатып алу барысында жергілікті қамтудың үлесін арттыруды тапсырамын» деді Атырау облысының әкімі Махамбет Досмұхамбетов.