Мақат ауданындағы кейбір пәндер ағылшын тілінде оқытыла бастады (ФОТО)
Мақат ауданындағы 9 мектепте Білім күніне арналған алғашқы қоңырау салтанаты болып өтті.
Жаңа оқу жылын 5600-ге жуық оқушымен бастағалы отырған аудан мектептерінде 489 педагог қызмет етеді. Жалпы, аудан бойынша 3 мектептегі 8 сыныпта пәндер жаратылыстану-математика бағытында оқытылады. Сондай-ақ, информатика пәнін ағылшын тілінде оқыту Б.Қанатбаев атындағы орта мектепте, биологияны С.Шарипов атындағы мектеп-интернатында, xимияны Абай атындағы орта мектебінде факультативті түрде оқыту тәжірибеге енгізілді.
Биыл ауданның білім беру мекемелерінің материалдық-теxникалық базасы жаңартылып, жөндеу жұмыстары талапқа сай жаңартылды. «Сандуғаш» және «Балбөбек» балалар бақшасы да күрделі жөндеуден өткен.
Салтанатты шарадан соң барлық мектеп сыныптарында «Мен елімнің патриотымын» тақырыбында жаңа оқу жылының алғашқы сабағы басталды.
Лена НҰРБАЕВА,
Мақат ауданы.
