Мемлекет басшысы университеттердің, мектептер мен балабақшалардың инфрақұрылымының дайындығын тексеруді тапсырды.
Мемлекет басшысы Қасым-Жомарт Тоқаев биыл дәстүрлі форматта өтетін жаңа оқу жылына дайындық жұмыстарын қазірден бастап қолға алу қажет екенін қадап айтты, деп хабарлайды Ақорда.
Оның айтуынша, көптеген білім ордасы бір жылдан астам уақыт толыққанды жұмыс істемеді. Бұл ретте Қасым-Жомарт Тоқаев университеттердің, мектептер мен балабақшалардың инфрақұрылымдарының дайындығын, сонымен қатар оқытушылар мен тәрбиешілер штатының жасақталу деңгейін тексеруді тапсырды.
Бұл туралы президент Ақордада өткен отырыста айтты.
«Спутник Қазақстан»
