КАРАНТИН: елорда мен Алматы қалыпты өмірге орала бастады

Аtr.kz/21 сәуір, 2020 жыл.  20 сәуірден бастап Нұр-Сұлтан мен Алматы қалаларында карантин режимі жеңілдетілді, өнеркәсіптік кәсіпорындардың қызметі қайта жанданды, соның ішінде құрылыс саласы және қызметтердің кейбір түрлері өз қызметін бастады.

«Эпидемиологиялық жағдайға байланысты біз бұдан әрі басқа кәсіпорындар мен бизнес субъектілерінің жұмыс істеуіне рұқсат бере отырып, біртіндеп карантин режимін жеңілдететін боламыз.

Дәл осындай жұмыс республиканың басқа өңірлерінде де қолға алынады. Дегенмен, ол үшін санитарлық-эпидемиологиялық қауіпсіздікті қатаң сақтаған жөн» деді ҚР Премьер-Министрі Асқар Мамин бүгін елордада өткен Үкімет отырысында.