ҚАР ТАЗАЛАУ ТОЛАСТАМАЙДЫ

Қала іші қардан қаншалықты тазартылды? Бұл сұраққа қала әкімінің орынбасары Әділбек Зайдуллин жауап берді.

— Желтоқсан айының соңғы күні қар тәулік бойына жауды. Сол күні таңғы сағат 6-да жедел түрде арнайы штаб құрылды. Қалаға қарасты тоғыз округ бойынша барлығы 115 арнаулы көлік бөлінсе, қала ішінде соның 90-ы жұмыс жасап жатыр. Оларға үш мезгіл ыстық тамақ беріледі — деді ол.

Ал, қоғамдық көліктердің күрт азайып кетуін қалалық тұрғын үй коммуналдық шаруашылығы, жолаушылар көлігі және автокөлік жолдары бөлімінің басшысы Өмірбек Камалов ауа райының қолайсыздығымен түсіндірді.

«Арнаулы автобаза» КМК директоры Мұратбек Мұханов тұрмыстық қалдықтарды тасымалдау құны өзгеріссіз қалғандығын жеткізді.

Амандық САҒЫНТАЙҰЛЫ.