Атырау облысының Индер ауданында кәріз жүйесін тарту қайғылы жағдай орын алды. Екі адам жарақаттанып, бір жұмысшы көз жұмды. Бұл туралы редакциямызға Атырау облыстық төтенше жағдайлар департаменті баспасөз қызметі хабарлады.
Баспасөз қызметіндегілердің айтуынша, тосын оқиға 2 қыркүйек күні сағат 15.48-де тіркелген. Индербор кентіндегі Мир көшесінің бойында кәріз жүйесін жүргізу кезінде қазылған ордың қабырғасы опырылып кеткен. Салдарынан «Тараз Сәулет» ЖШС-нің жұмысшылары құландының астында қалыпты. 28 жасар жігіт оқиға орнында көз жұмған. Ал, 30 және 42 жастағы азамат түрлі жарақаттар алып, алғашқы медициналық көмектен соң Индер аудандық ауруханасына түскен.
Нұрсұлтан ЕРТУҒАНҰЛЫ
