«Feel Green» акциясы аясында 150 тал егілді

Атырауда 22 сәуір күні «Бүкіл Қазақстандық ағаш отырғызу күні» акциясының аясында «Feel Green» ағаш отырғызу шарасы өтті, деп хабарлайды «Азаматтық орталығы» КММ-сінің баспасөз қызметі.

Аталған шараға «Болашақ-Атырау» мен «PSN Kazstroy» компаниялары және 13 Үкіметтік емес ұйым өкілдері қатысты.

Экологиялық ахуалды жақсарту, қаламызды көгалдандыру, ағаштармен көмкеру, көркейту, гүлдендіру мақсатында өткен шараға 250 адам қатысып, 150 тал егілді. Шара барысында қатысушыларға тегін көже мен бауырсақтар таратылды.

Хорлан СМАДИЯР