Елбасы өмірдің ең биік асуын бағындыру жолын айтты (+ВИДЕО)

Atr.kz/14 тамыз, 2019 жыл.  Қазақстан Президенті телерадиокешенінің Instagram желісіндегі парақшасында Елбасының жастарға арналған мотивациялық видеосы жарияланды.

Видеода Нұрсұлтан Назарбаев жастарды шабыттандыру, өмірдің ең негізгі мәні туралы ойымен бөліскен.

«Жастарды нақты нәрселермен шабыттандыру керек. Ең бастысы – адам болу, білім алу, жақсы мамандықтың иесі болу, бұларды сіздерден ешкім тартып ала алмайды. Ақша, баспана, тағы басқалары уақытша болуы мүмкін. Ал білім мен адамгершілік – мәңгілік. Мен сіздерді осыған үндеймін. Сонда өмірде кез келген асуды бағындырасыздар», — деді Елбасы.