«ЭКСПО»–ны тегін тамашалауға болады ма?

Елордадағы «ЭКСПО-2017» халықаралық көрмесіне Атыраудан 11500 оқушы, 1500 студент, 1311 жетекші тегін қатысуға мүмкіндік алған.

Сондай-ақ, республика бойынша «Менің таңдауым – балаларға көмек көрсету!» ұранымен «Мектепке жол» акциясы өтуде. Мақсаты – аз қамтылған және көпбалалы отбасылардың, жетім және ата ана қамқорлығынсыз қалған балалардың алаңсыз білім алуына көмектесу. Оған мемлекеттік мекемелер, облыстық басқармалар, әсіресе, биыл құқық қорғау органдарының қызметкерлері белсенді қатысқанын ерекше атап өткен жөн. 20 тамыздағы мәліметке сай, осындай 2200 балаға көмек көрсетілген. Акция 30 қыркүйекке дейін жалғасады.

Амандық САҒЫНТАЙҰЛЫ