Дина Нұрпейісова туралы қазақша-түрікше диск кітаптың таныстырылымы өтті + ФОТО
Ақын, драматург, Қазақстан және Еуразия Жазушылар Одағының мүшесі Маржан Ершудың «Дина-Dina» атты қазақ, түрік тілінде жазылған кітап-альбомы жарыққа шықты. Жаңа туындының тұсаукесер рәсімі «Кітапханалық туризм» жобасы аясында ұйымдастырылды.
Бірегей жоба шеңберінде Ғ.Сланов атындағы облыстық ғылыми әмбебап кітапханасына келген ҚР Ұлттық академиялық кітапханасының қызметкерлері өзара тәжірибе алмасып, біліктіліктерімен бөлісті.
Топ жетекшісі Дариға Дәуренбекова шараны жоғары деңгейде ұйымдастырғаны үшін Ғ.Сланов атындағы облыстық ғылыми әмбебап кітапхана ұжымына және салалық басқармаға алғысын жеткізді. Сондай-ақ, №1 қалалық кітапхана директоры Құралай Бүркітова «Кітапхана ісінің шебері» төс белгісімен марапатталды.
Тоқтала кеткен жөн, «Кітапханалық туризм» жобасы «Астана-Атырау-Сарайшық-М.Өтемісұлы кесенесі-М.Мөңкеұлы мазары-Тасгран ескерткіші-Атырау-Астана» бағыттары бойынша жалғасады деп жоспарланып отыр.
Гүлдана Жамбозова
Фото автордікі
