Жайықтағы балықтардың қырылу себебін анықтауға құқық қорғау органдары кірісті

Облыс әкімі Нұрлан Ноғаев Индер ауданына барған сапарында Жайық өзеніндегі балықтардың қырылуына қатысты пікірін білдірді.

–Жайық өзеніндегі балықтардың қырылуына байланысты құқық қорғау органдары тексеру жұмыстарын жүргізіп жатыр. Екі қылмыстық іс қозғалды. Тергеу аяқталғаннан кейін құқық қорғау органдары жағдайға нақты баға беретін болады. Атырау базарларында сатуға шығарылған балық өнімдерінің бәрі сертификатталған. Ветеринарлық қызметтер, сан-эпидемиологтар тұрақты түрде бақылау жасап отырады, — деді Нұрлан Ноғаев.

Сондай-ақ, облыс әкімі ведомствоаралық комиссия құрылып, жұмыс істеп жатқанын атап айтты. Осы кезге дейін жүргізілген зертханалық тексерістер Жайық өзеніндегі су құрамының тұрғындарға қауіпсіз екенін көрсетті.