Атырауда нан қымбаттауы мүмкін…

Мұнайлы өңірде нан бағасы қымбаттауы мүмкін. Бұл туралы Атырау қалалық кәсіпкерлік бөлімінің басшысы Руслан Дәулетов қаперге берді.

Қазір бірінші сортты ұн килограмы 115 теңгеге көтерілген. Соған байланысты нан бағасы да қымбаттайды деп күтілуде. Наубайхана иелерінің айтуынша, дүкендер үшін белгіленген 55 теңге бүгінде кеткен шығынды ақтамай жатыр. Соны олар әзірге 5 теңгеге көтеруді сұрап отыр.

– Бүгінгі таңда Орал мен Ақтөбе қалаларында нан 75 теңге тұрады. Ал, Атырауда бірқалыпты баға сақталуда. Әсіресе, «Дәулет-Нан» басшылығы 55 теңгеден қымбаттатпауға бел буып отыр, — дейді аталған бөлім басшысы.

Аман ШАМАР.