Бүгін — Қазақстан Республикасының Ұлттық ұланы күні 

10 қаңтарда Қазақстанның Ұлттық ұланы қызметкерлері өздерінің кәсіби мерекелерін атап өтеді. 2015 жылы осы күні «Ұлттық ұлан туралы» Заңға қол қойылып, оның құқықтық мәртебесі бекітілді. 

Орталық коммуникациялар қызметінің хабарлауынша, аталған жедел кәсіби бөлімшенің әскери қызметшілері азаматтардың, жалпы қоғамның қауіпсіздігін, сондай-ақ заңдылықтың сақталу кепілдігін қамтамасыз етіп, ерлік, батылдық және антқа деген адалдығын таныта отырып, Отанымыздың игілігі үшін қызмет атқарып келеді. Сондықтан шынайы құрметке лайық. 

Қазақстан Республикасы Ұлттық ұланының барлық қызметкерлерін мерекемен құттықтаймыз. Зор денсаулық пен амандық, толағай табыс, қауіпсіз қызмет тілейміз!