Бүгін Атырауда шаңды дауыл болады

Облыста 28 мамыр күні ауа райы құбылмалы болып, бірқатар қауіп күтілуде. Синоптиктердің мәліметінше, облыстың батысы мен оңтүстігінде шаңды дауыл соғады.

Желдің бағыты шығыстан және оңтүстік-шығыстан соғып, күндіз батыс және оңтүстік өңірлерде екпіні 15-20 м/с-ке дейін жетуі мүмкін.

Ауа райының құрғақ әрі ыстық болуына байланысты облыстың солтүстігі мен шығысында жоғары өрт қаупі сақталады. Ал облыстың оңтүстігі мен батысында, сондай-ақ Атырау қаласының өзінде өте жоғары өрт қаупі сақталып отыр.

А.НӘСІПҚАЛИҚЫЗЫ