Болашақ журналистер бақ сынауда

Е. Букетов атындағы Қарағанды мемлекеттік университетінде журналистика мамандығы бойынша Х республикалық пәндік олимпиада басталды.

Шараның ашылу салтанатында ф.ғ.д. профессор Асанов сөз сөйледі. Білім бәйгесіне Республика бойынша жоғары оқу орындарынан барлығы 16 команда бақ сынап жатыр.

Командалар сайыс барысында өздерін таныстырып, «Теледидар және дәуір» атты тақырыпта бейнесюжеттерін ұсынды.

Сайыстың екінші кезеңінде студенттер «Қазақ телевизиясына 60 жыл» тақырыбы аясында ой толғады. Ал бүгін байқауға қатысушылар біліктілік пен білімді шыңдауға арналған тест тапсырып, «Жедел ақпарат» кезеңіне өтті.

Мырзабек Аяулым