Биыл ауыл шаруашылық мақсатындағы 210 мың гектар жер учаскесін мемлекетке қайтару жоспарланып отыр
Бұл туралы ҚР Ауылшарушалығы министрлігі Жер ресурстарын басқару комитетінің Атырау облысы бойынша департаментінің басшысы Гүлзия Құрманова мәлім етті, деп хабарлайды Өңірлік коммуникациялар қызметі.
Биылға дейін жер учаскесін нысаналы мақсатқа сай игермегендерге 21 нұсқама берілген. Бұдан басқа, ҚР Жер кодексінің талаптарын сақтамағаны және ҚР заңнамасын бұза отырып пайдаланатын жер учаскелеріне департаментпен 18 нұсқама табысталған.
-ҚР Президентінің Республика бойынша ауыл шаруашылық мақсатына беріліп, игерілмей отырған жер учаскелерін мемлекетке қайтару тапсырмасына сәйкес, ҚР Ауыл шаруашылығы министрлігі Жер ресурстарын басқару комитеті облыстық Жер ресурстарын басқару департаментіне өңір бойынша өткен жылы 200 мың гектар жер учаскесін қайтару тапсырмасы берілген болатын. Осы тапсырмаға сәйкес, былтыр барлығы 185 жер учаскесі қайтарылды. Олардың жалпы көлемі – 206209,90 гектарды құрайды, оның ішінде 15416 га жер учаскесі егістік үшін, 190693,90 га жайылымдық үшін және 100 га басқа мақсаттағы жер учаскелері. Ал, осы жылға облыс бойынша 210 мың гектар ауыл шаруашылық мақсатындағы жер учаскесін мемлекетке қайтару жоспарлануда,- деді Г.Құрманова.
Сондай-ақ, аталған тапсырма бойынша күні бүгінде барлығы 56 жер учаскесі қайтарылған. Олардың жалпы көлемі – 17296,20 гектарды құрайды. Оның ішінде 40 га жер учаскесі егістік үшін, 16864,95 га жайылымдық үшін және 391,25 га басқа мақсаттағы жер учаскелері.
