БІЛІМ БАСҚАРМАСЫНДА – ЖАҢА БАСШЫ

Кеше облыс әкімінің бірінші орынбасары Ғұмар Дүйсембаев облыстық білім беру басқармасы ұжымына жаңа басшы Нұрсәуле Сайлауованы таныстырды.

Облыстың білім беру саласында Нұрсәуле Сайлауқызының есімі жақсы таныс. Бұған дейін «Жастар саясаты» орталығының директоры, Х.Досмұхамедов атындағы Атырау мемлекеттік университетінің деканы қызметтерінде болды. Ал, өткен жылғы шілде айында Атырау қалалық білім бөлімінің басшысы қызметіне тағайындалып, өзіне жүктелген жауапкершілікті абыроймен атқарды.

Аймақ басшысының бірінші орынбасары Ғұмар Ислямұлы ұжымға жаңа басшыны таныстыру жиынында басқармаға білім беру ісінің сапасын арттыру бағытында үлкен жауапкершілік жүктеліп отырғанын, салада жарқын жетістіктермен қоса шешімін күткен мәселелер де бар екендігін айтып,  жаңа басшыға сәттілік тіледі.

Айгүл ЕРТІЛЕУ.

Баға берсеңіз
Атырау газеті
Пікір қалдырыңыз