![Бар жақсылық – балаларға! 1 balalargaaaaaaa](https://atr.kz/wp-content/uploads/2024/05/balalargaaaaaaa.jpg)
Бар жақсылық – балаларға!
Халықаралық балаларды қорғау күні қарсаңында «AMANAT» партиясы Атырау облыстық филиалының ұжымы аз қамтылған, көпбалалы отбасыдан шыққан балаларды «Атырау» сауда ойын-сауық кешеніне шақырып, ерекше көңіл-күй сыйлады.
![Бар жақсылық – балаларға! 2 amanatttttttttt](https://atr.kz/wp-content/uploads/2024/05/amanatttttttttt-1024x682.jpg)
– Мен бүгін анаммен бірге ойын алаңына келдім. Мұндағы ерекше аттракциондар маған қатты ұнап жатыр. Осындай шараға шақырған аға-апаларымызға рақмет. Олар бізге қызықты ойын құралын сыйлады. Үйге барып бауырларыммен бірге ашып, ойнайтын боламыз, — деді 8 жасар Әли Жұмағалиев.
Ойын арасында балаларға түскі ас та ұйымдастырылды. Олар әдетте аналары дайындайтын тағамды мейрамхананың ас мәзіріне алмастырды.
![Бар жақсылық – балаларға! 3 amanattttt](https://atr.kz/wp-content/uploads/2024/05/amanattttt-1024x682.jpg)
– Жыл сайын мереке қарсаңында партияның «Бақытты отбасы» жобасы аясында осындай іс-шаралар ұйымдастырылып тұрады. Биыл бұл шараны «Жарқын жанұя» қоғамдық бірлестігімен бірге қолға алдық. Әр баланың жас ерекшелігіне сәйкес ақыл-ойын дамытуға арналған ойыншықтарды сыйлыққа бердік, — деді «AMANAT» партиясы Атырау облыстық филиалының бөлім меңгерушісі Әсел Қаржауова.
Малика ТӘКЕЖАНҚЫЗЫ
Суреттерді түсірген Әнуар ӘБІЛҒАЗИЕВ