Атырау облысы Қызылқоға ауданы Жангелдин, Миялы, Тасшағыл ауылдық округтерінің әкімі сайланды. Бұл туралы Қызылқоға аудандық аумақтық сайлау комиссиясы мәлімдеді.
Жангелдин ауылдық сайлау округі бойынша 965 сайлаушының 571-і дауыс берді. Қорытындысында 381 дауыспен Миялы орта мектебінің директоры Ғайса Қанат сайланды.
Ал Миялы ауылдық сайлау округі бойынша 4772 сайлаушының 2754-і дауыс берген. Нәтижесінде, 2002 дауыспен «Жангелдин ауылдық округі әкім аппараты» ММ-нің әкімі Аманкелді Бағдаров жеңіске жетті.
Сондай-ақ, Тасшағыл ауылдық сайлау округі бойынша 1043 сайлаушының 751-і дауыс берді. Қорытындысында 543 дауыспен «Тасшағыл ауылдық округі әкім аппараты» ММ-нің әкімі Гүлшара Ізімова бекітілді.
Малика ТӘКЕЖАНҚЫЗЫ
