whatsapp image 2019 10 09 at 08.47.09 1

Атыраулық волейболшылар үздіктер қатарынан көрінді

Жаңалықтар Қоғам

Atr.kz/8 қазан, 2019 жыл. 28 қыркүйек пен 6 қазан аралығында Нұр-Сұлтан қаласында волейболдан ерлер арасындағы  ҚР 27-ші Кубогы өтті.

«Атырау» клубы тартысты ойында екінші орын иеленді.  Волейболшыларымыз жарыстың ширек финалында  петропавлдық «Есіл СК» командасын 3:0 көрсеткішімен жеңіп, жартылай финалда дәл сол есеппен «Ұшқын-Көкшетау» командасын тізе бүктірді. Финалдық матчта атыраулықтар  Алматы қаласының «Буревестник» командасынан 3:0 есебімен ұтылды.  Ал Маңғыстау облысының «Маңғыстау»  командасы үздік үштікті қорытындылады. 

–  Қазіргі таңда біздің команда  алда өтетін «Суперкубок» ойынына қызу дайындалуда.  Осы ойында  ҚР кубогында көрсеткен  нәтижеден асып түсуге ниеттіміз, – дейді «Атырау волейбол клубының» директоры Амандық Ғарифолла. 

Айта кетейік, 17-21 қазан аралығында Талдықорған қаласында «Суперкубок» ойыны өтеді.  Ойында  Қазақстан кубогында үздік төрттік қатарынан көрінген «Буревестник», «Атырау», «Маңғыстау», «Ұшқын-Көкшетау» командалары өзара бәсекеге түсетін болады. «Суперкубок» иеленген команда 2020 жылдың сәуір айында өтетін  волейболдан клубтық Азия чемпионатында Қазақстанның  намысын қорғайтын болады.

Атырау өңірлік коммуникациялар қызметі

Пікір үстеу

Э-пошта мекенжайыңыз жарияланбайды. Міндетті өрістер * таңбаланған