Атыраулық әдіскер республикалық байқаудың жеңімпазы атанды

Мектепке дейінгі мекемелердің педагогтері арасында өтетін дәстүрлі «Мектепке дейінгі мекеменің жыл әдіскері» республикалық байқауында атыраулық әдіскер жеңімпаздардың қатарынан көрінді — деп хабарлайды Атырау облысы білім беру басқармасының баспасөз хатшысы Эльмира Тұңғатарова.

Эльвира Капарова – Атырау қаласындағы №30 “Жұмбақ” балабақшасының әдіскері. Ол байқаудың республикалық кезеңінде жүлделі ІІ орынға ие болды.

Айта кету керек, аталған байқау мектепке дейінгі ұйымдар әдіскерлерінің инновациялық жұмыс тәжірибесін анықтау және тарату, олардың кәсіби деңгейін арттыру мақсатында ұйымдастырылады.