Атыраулық жасөспірімдердің жарқын жеңісі (+ФОТО)
Atr.kz/22 мамыр, 2019 жыл. 14-18 мамыр күндері Қызылорда қаласында кикбоксингтен 2003-2004 жылы туған жасөспірімдер арасында Қазақстан Республикасының чемпионаты өтті.
Қуанышбек Қосақов бастаған Атырау облысы құрамасы 1 алтын, 1 күміс және 4 қола медальға ие болды. Спортшылар кикбоксингтің лоу және фулл контакт түрлері бойынша сынға түсті.
67 келіде әлем чемпионатының қола жүлдегері Серікжан Сәлімгереев қарсылас шақ келтірмей, алтын жүлдеге ие болды. Тағы бір әлем чемпионатының жүлдегері Исламсанжар Төлеуғали 45 келіде күміс жүлдегер атанды.
48 келіде Нұрсұлтан Жұмабаев пен Роман Зубарев және 57 келіде Идеятов Мақсат қола жүлдеге ие болды. Қыздар арасында 48 келіде Жанғалиева Анель үздік үштіктен көрінді.
«Atyrau Sport» парақшасынан
