Атыраудың аспанын белгісіз қара бұлт қаптады (+ВИДЕО)

img 20201018 wa0010 ATR.TV

Atr.kz/19 қазан, 2020 жыл. Атырау облысы бойынша экология департаменті «Атырау мұнай өңдеу зауыты» ЖШС-не қатысты жоспардан тыс тексеру жүргізеді.

17 қазанда Facebook әлеуметтік желісінде «АМӨЗ» ЖШС тарапынан шығып жатқан түтін бойынша бейнеролик орналастырылған болатын.

https://youtu.be/U_ARrxodgXE

Аталған факті бойынша, Атырау облысы бойынша экология департаментінің қызметкерлері сол күні оқиға орнына барып, кәсіпорынның санитарлық-қорғау аймағының шекарасында ауа сынамасын алды. Зертханалық талдау нәтижесі бойынша, күкіртсутегі, азот оксиді, азот диоксиді, көміртегі оксиді және көмірсутек бойынша ШРК-дан асқан жоқ. Метеопараметрлерге сәйкес желдің бағыты оңтүстік-батыс, ауа температурасы 9 С.

Сонымен қатар, Департаментпен «АМӨЗ» ЖШС-не қатысты жоспардан тыс тексеру ашу бойынша жұмыс жүргізілуде. Тексеру нәтижелері туралы қосымша хабарланатын болады.

Аслан ЖЕҢІСҰЛЫ,
Атырау облысы бойынша экология департаментінің ресми өкілі

Баға берсеңіз
Атырау газеті
Пікір қалдырыңыз