Атырауда жеке тұрғын үйді өрт шарпыды

Атырау қаласындағы «Химпоселок» шағынауданындағы көшелердің бірінде жеке тұрғын үйдің шатырын өрт шарпып, оқыс оқиға орын алды.

 Құзырлы орын өкілдерінің хабарлауынша, құтқарушылар 160 шаршы метр алаңда орын алған жалынды шұғыл түрде сөндіріп үлгерді. Абырой болғанда зардап шеккендер жоқ.

–Бұл оқиғаның орын алу себебі – балалардың отпен ойнауы. Өрт – тілсіз жау. Сондықтан тұрғындардан өрт қауіпсіздігінің ережелерін қатаң сақтауға шақырамыз, — дейді сала қызметкерлері.

Алтыншаш ҚҰРМАШЕВА