Атырауда тұрғын үйлерге жылу берілуде

Атырау қаласында тұрғын үйлерге біртіндеп жылу беріле бастады. Бұл туралы «Атырау Энергокешенінің» баспасөз қызметі хабарлады.

1 қазаннан бастап облыс орталығындағы әлеуметтік нысандар, оның ішінде мектептер, балабақшалар, ауруханалар және басқа да мекемелер толықтай жылу жүйесіне қосылды.

Қала тұрғын үйлері 8 қазаннан бастап жылуға қосыла бастады. Қазір 1033 тұрғын үйдің 517-сі жылумен қамтамасыз етілді, ал қалған 516 үйге жылу беру бойынша жұмыстар жалғасуда.

Алтыншаш ҚҰРМАШЕВА

Сурет: atr.kz