Атырау қаласында сағат 14-30 шамасында қатты желдің салдарынан кейбір нысандардың шатырлары ұшып, бірнеше шағын аудан жарықсыз қалды.
«Атырау-Жарық» АҚ мекемесінің мәлімдеуінше, төбе бөлшектеры жоғарғы кернеулі 10/35кВ әуе желілері сымдарына тиіп, үзіліп, желі қосалқыларына зақым келген.
«Ақаулар кесірінен, Бірлік, Мұнайшы, Геолог, Томарлы, Ақжар, Ақсай, Алмалы ауылдары, Мирас, Жұлдыз-1,2,3 мөлтек аудандары жарықсыз қалды. Қазіргі уақытта қалалық электр жүйесі мамандары орын алған ақауларды жөндеу үстінде. Ол үшін 8- арнайы техника, 5- мамандырылған бригада жұмыс жасап жатыр. Жақын арада тұрғын-үйлер мен заңды тұлға нысандарына жарық берілетін болады», – деп хабарлады мекеменің баспасөз қызметі.
