Атырауда облыстық бас редакторлар клубы жылды қорытындылады
“Бас редакторлар клубының қорытынды кешінде өткен жылы ақпарат саласында атқарылған жұмыстар, айтулы оқиғалар мен келер жылға жоспарлар талқыланды” деп хабарлайды atr.kz
Атырау облыстық ардагерлер кеңесінің төрағасы Мұрат Өтешов клуб мүшелерін жаңа жылмен құттықтап, Кәрім Бахриденовке «Еңбек ардагері» медалін тапсырды. Сондай-ақ, облыстық Кәсіпкерлер одағы төрағасы Ізтұрған Баймұқанов бір топ бас редакторға алғыс хаттар табыстады.
“Атырау — Ақпарат” ЖШС директоры Ысқақ Дүйсембайұлы жиынға қатысушыларды жаңа жылдарымен құттықтап, ерекше басқосу ұйымдастырған облыстық бас редакторлар клубы төрағасы Жанай Исламғалиұлына ризашылығын білдірді.
Одан әрі қаламгерлер арасында тартысты ойын өрбіді.
Ақтық сында “Сарайшық” командасы I орын, “Атамекен” II, ал «Қара торы» командасы III орынды иеленді.
Жүлдегерлерге клуб атынан арнайы кубоктар мен дипломдар табыс етілді.
