Атырауда иттер сайысқа түсті (+ВИДЕО)

Atr.kz/24 маусым, 2019 жыл. Қазақстан полициясы күніне орай облыстық полиция департаментінің ұйымдастыруымен «Үздік кинологшы» иттер фестивалі өтті.

Мұндағы мақсат – қиын да жауапты жедел-іздестіру іс-шараларына қатысушы үздік кинологтар мен иттер резервін қалыптастыру. Шара барысында кинологтардың кәсіби деңгейі және есірткі құралдарын іздеуге дайындалған қызметтік-іздестіру иттерінің дайындық деңгейі бағаланды. Сондай-ақ, есірткі құралдарын іздеу және анықтау бойынша дағдылар бағаланды.

Байқау нәтижесімен иттерді дайындауда көрсеткен шеберлігі үшін Василий Лаврентиев пен Данияр Қалиев полиция департаментінің Мақтау қағазымен марапатталды.

Майра ОРАЗҒАЛИЕВА