Атырауда бос жұмыс орындары жәрмеңкесі өтті
Қазақстан Республикасының Мемлекеттік қызмет істері агенттігінің Атырау облысы бойынша департаменті және Атырау қаласы әкімдігінің ұйымдастыруымен өңірде бос жұмыс орындары жәрмеңкесі ұйымдастырылды.
Іс-шараның басты мақсаты – азаматтар мен болашақ түлектерге мемлекеттік қызметке түсу жолдарын таныстыру, жаңа іріктеу жүйесі туралы ақпарат беру және мемлекеттік қызметтегі бос орындар бойынша түсіндірме жұмыстарын жүргізу.
Жәрмеңкеге мемлекеттік органдардың, құқық қорғау органдарының өкілдері мен Департамент қызметкерлері қатысты.
Қатысушыларға мемлекеттік қызметке орналасу тәртібі, тестілеу рәсімдері, бос лауазымдар туралы мәліметтер және конкурсқа қатысу шарттары жайлы толық ақпарат ұсынылды.
Айта кету қажет, аталған жәрмеңке қала және аудандық деңгейде бір уақытта өткізіліп, мемлекеттік қызметке келуге ниетті азаматтарға жаңа жүйенің талаптары мен мүмкіндіктері таныстырылды.
Алдағы уақытта бос жұмыс орындары жәрмеңкелері мен түсіндіру жұмыстары тұрақты түрде ұйымдастырылатын болады. Бұл бастама аймақ тұрғындарына мемлекеттік қызметке кіру мүмкіндіктерін кеңейтіп, кәсіби өсуге жол ашады.
