Атырауда 6-қабаттағы үйдің терезесінен құлап кеткен 5 жасар қыз қайтыс болды

Атырау облыстық денсаулық сақтау басқармасы баспасөз қызметінің хабарлауынша, сағат 15.05 шамасында 103-ке 6 қабатты үйдің терезесінен қыз баланың құлағаны туралы қоңырау түскен. 

“2016 жылы туған қыз бала, Атырау қаласындағы “Нұрсая” ықшам ауданындағы 6 қабаттың терезесінен құлап, облыстық балалар ауруханасының жансақтау бөліміне жедел жәрдем көлігімен жеткізілді. Өкінішке қарай, бес жасар қыз бала жансақтау бөлімінде қайтыс болды”, делінген басқарманың баспасөз қызметі таратқан хабарламада.