Жарнама
Жаңалықтар

Атырауда 39 шетелдік көлік иесі мемлекеттік нөмір алды

Атырау қаласындағы Халыққа қызмет көрсету орталықтарында шетелдік көліктерді заңдастыру бойынша қызмет көрсету жалғасуда.

 Жұмыс аптасы басталғаннан мұнда шетелдік көлігі бар азаматтар электронды талон арқылы кезек алып құжаттарын тапсырып бастаған еді. 4 күн ішінде атыраулық 39 шетелдік көлік иелері темір тұлпарларына мемлекеттік нөмір алды. Оның ішінде – 10-ы Ресейден, 26-сы Армениядан келіп сары түсті белгі алған және 3-уі Армения елінен әкелінген автокөліктер. Мамандардың айтуынша, тіркеуге өтініш берген шетелдік көлік иелерінің басым бөлігіне келісім берілген, алайда заңдастырудың соңғы кезеңдерінде сұралған құжаттарының болмауына байланысты әзірге құжаттары толық болмай мемлекеттік нөмір алу мүмкіндігі болмай тұр. 4 күннің ішінде криминалист мамандар тексерген көліктер арасында бірде-бір іздеуде тұрған немесе ұрланған автокөліктер анықталмаған.

Азаматтардан сұралатын құжаттар:

– мемлекеттік өтінім;

– өтінім берушінің жеке басын куәландыратын құжат;

– көлік құралының паспорты немесе тіркеу туралы куәлік;

– көлік құралына меншік құқығын растайтын құжат.

Ал, қойылатын басты талап: 

– автокөлік Қазақстанға 2022 жылдың 1 қыркүйегіне дейін әкелінген болуы керек;

– криминалдық есепте болмауы керек;

– басқа мемлекетте бұрынғы тіркелген жері бойынша есептен шығарылуы тиіс;

– еуразиялық экономикалық одаққа кірмейтін елдерден әкелінген автокөлік кедендік тазартудан өтуі қажет.

Заңдастыру талаптарына сай, құжат тапсырған соң нәтижесі арнайы базаға тіркеледі және көлік иесінің телефонына 1414 нөмірінен SMS жіберіледі. Онда қабылданған шешім нақты жазылады. Заңдастыруға рұқсат етілсе, мемлекеттік алымдар төлеу қажет.

Алғашқы тіркеу үшін – 200 000 теңге;

Техпаспорт үшін мемлекеттік БАЖ – 4 313 теңге;

Мемлекеттік нөмір – 9 660 теңге.

Одан соң көлік иесі шетелдік техпаспорт, меншік құқығын растайтын құжатты ХҚКО мамандарына тапсырады. Тіркеу бекітілгеннен кейін автокөлік иесіне ҚР тіркеу құжаты, мемлекеттік нөмір беріледі.

Шетелдік автокөліктердің заңдастыру үшін өтінім беру 2023 жылдың 1 шілдесіне дейін жалғасады.

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button