Төтенше жағдай жөніндегі жедел штабтың жалған аккаунтында Атырау қаласының әкімі Шәкір КЕЙКИННІҢ кенеттен қайтыс болғаны туралы ақпарат шықты. Ақпарат шындыққа жанаспайды. Атырау қаласының әкімі жедел штабтың отырысына қатысып, қаладағы су тасқынына дайындық барысы туралы кезекті баяндама жасады, – деп хабарлайды Атырау облысының төтенше жағдай жөніндегі жедел штабы.
-Төтенше жағдай режимі аясында жалған ақпарат таратқаны үшін құқық бұзушыға қылмыстық жауапкершілік жүктелетінін тағы да еске саламыз. Қазіргі уақытта құқық қорғау органдары тиісті шараларды қолдану үшін Төтенше жағдайлар жөніндегі жедел штабтың атын жамылған жалған аккаунт иесін іздеумен айналысуда, – делінген ресми штабтың хабарламасында.
