ҚР Мемлекеттік қызмет істері агенттігінің келісімімен Атырау облысының мәдениет, тілдерді дамыту және архив ісі басқармасы басшысы болып Әбіл Жоламанов тағайындалды, деп хабарлайды облыс әкімінің баспасөз қызметі.
1992 жылы Әл-Фараби атындағы Қазақ мемлекеттік университетін тарихшы, тарих және қоғамтану пәнінің мұғалімі мамандығын тәмәмдаған.
Бұған дейін Әбіл Жоламанов Қазақстан Республикасы Ұлттық архивінің басшысы қызметінде болған.
Еңбек жолын Батыс Қазақстан облысы Жымпиты орта мектебінде 1992-1994 жылы тарих және қазақ тілі пәні мұғалімі қызметінен бастап, тәрбие ісі жөніндегі мектеп директорының орынбасары қызметінде болды.
1994-2008 жылдары Сырым ауданы әкімі аппараты, аудандық жұмыспен қамту орталығы, ішкі саясат,мәдениет және тілдерді дамыту бөлімі, білім бөлімінде басшылық қызметте болған.
2008-2014 жылдары Батыс Қазақстан облысы тарихи-өлкетану мұражайының басшысы.
2014-2015 жылдары Батыс Қазақстан облысы Мәдениет, мұрағаттар және құжаттама басқармасы басшысының орынбасары.
2015-2017 жылдары Атырау облысы Мәдениет, мұрағаттар және құжаттама басқармасының басшысы.
2017-2019 жылдары Қазақстан Республикасының Мәдениет және спорт министрлігінде мәдениет және өнер департаменті директорының орынбасары және директоры.
2019-2020 жылдары Қазақстан Республикасы Ұлттық архивінің басшысы қызметінде болған.
