Атырау облысы кәсіпкерлерінің назарына!

Atr.kz/20 қыркүйек, 2019 жыл. Атырау облысы әкімі Н. Ноғаевтың төрағалығымен «Бірыңғай есеп беру күні» өткізіледі.

Мақсаты – бақылау-қадағалау қызметін реформалауды жүзеге асыру аясында мемлекеттік бақылау және қадағалау жөніндегі заңнаманың міндетті талаптарын бұзуды жүйелі түрде алдын-алуды дамыту, тұрақты қауіпсіз қызметті іске асыру үшін кәсіпкерлердің және ұйымдардың құқықтық сауаттылығын жақсарту.

Өткізу нысаны –  бақылау және қадағалау органдарының олардың мемлекеттік бақылау және қадағалауды жүзеге асыру нәтижелерін кәсіпкерлік субъектілерімен талқылау және бизнес-қауымдастықпен кері байланысты қалыптастыру бойынша өткізілетін кездесу.

Өткізу күні – 2019 жылғы 30 қыркүйек, сағат 10.00. (Атырау қаласы Сәтпаев көшесі, 15б «Ренессанс» қонақ үйі)

Қатысушылар:

1. Мемлекеттік органдардан – бақылау және қадағалау  органдарының, Қазақстан Республикасы Сыбайлас жемқорлыққа қарсы іс-қимыл агенттігінің (сыбайлас жемқорлыққа қарсы қызмет)   Атырау облысы бойынша департаменті, Қазақстан Республикасының Мемлекеттік қызмет істері агенттігінің Атырау облысы бойынша департаменті, сондай-ақ Атырау облысының прокуратура органдарының өкілдері;
2. Бизнес-қоғамдастықтан – бизнес-қоғам өкілдері, облыстағы кәсіпкерлердің өңірлік палаталарының өкілдері, Атырау қаласы және аудан кәсіпкерлері;