![Атырау мектептерінде жаңа жоба жүзеге аспақ 1 d133eb7d 529a 4ce1 9a4c 0c969e9da660 1](https://atr.kz/wp-content/uploads/2024/01/d133eb7d-529a-4ce1-9a4c-0c969e9da660-1.jpeg)
Атырау мектептерінде жаңа жоба жүзеге аспақ
Биыл Атырау мектептерінде «Цифрлық ұстаз» жобасы қолға алынады, деп хабарлайды atr.kz тілшісі.
Бұл туралы Атырау қаласындағы Н.Балғымбаев атындағы N42 жалпы білім беретін мектепте директорлардың қатысумен өткен жиында айтылды.
Аталған жоба аз қамтылған отбасылардың балаларын қолдау мақсатында қолға алынған. Облыста мұндай қолдауды қажет ететін 1061 оқушы бар.
![Атырау мектептерінде жаңа жоба жүзеге аспақ 2 27a23f54 bae7 4d16 a86e 39373ef6754e](https://atr.kz/wp-content/uploads/2024/01/27a23f54-bae7-4d16-a86e-39373ef6754e-1024x682.jpeg)
— Бүгінде бірқатар ата-ана балаларын ақылы қосымша білім беру сабақтарына береді. Мұны белгілі бір санатқа жататын отбасылардың әлеуметтік жағдайы көтере бермейді. Сондықтан жаңа жобаның негізгі көздеген ұстанымы да осындай жанұялардағы оқушылардың білім деңгейін арттыру. Білімінде төмен нәтиже бар балалар осы жобадан тыс қалмауы тиіс. Сонымен қатар мектептерде директорлардың цифрландыру жұмыстары бойынша орынбасары жаңа штаты енгізіледі, — деді облыстық білім беру басқармасы басшысының орынбасары Орынтай Молдашқызы.
Алтыншаш ҚҰРМАШЕВА
Суретті түсірген Ерлан АЛТЫБАЕВ