«Атырау – Индер» тас жолы уақытша жабылады

Аталған тас жолда 20 мамырдан 21 мамырға қараған түні түнгі сағат 00.00 – 06.00-ге дейін су өткізгіш құбырлар салу жұмыстары жүргізіледі, — деп хабарлайды Атырау облысының төтенше жағдай жөніндегі жедел штабы.

Тасқын судың тас жолды толықтай шайып кетуін болдырмау мақсатында атқарылатын жұмысқа 15 маман, 15 техника жұмылдырылады.

Айта кету керек, көлік жүргізушілері үшін балама жол «Атырау — Хамит Ерғалиев — Махамбет» бағытында ашық.