Күй туралы жаңа кітап жарық көрді (ФОТО)
Атырау музыка колледжінде ардагер ұстаз, Қазақстан Республикаксының білім беру ісінің Құрметті қызметкері, Құрманғазы атындағы қазақ ұлттық консерваториясының профессоры Ғизат Әдепқалиұлының «Домбыраға арналған хрестоматия» атты кітабы жарық көрді.
Оның тұсау кесу рәсіміне Алматыдан арнайы келген Қазақстанның еңбегі сіңген қайраткері, Құрманғазы атындағы Қазақ ұлттық консерваториясының профессоры Карима Сахарбаева, Құрманғазы атындағы Қазақ ұлттық консерваториясының меңгерушісі, доцент Сәлімгерей Садықов, ардагер ұстаздың алғашқы шәкірттері, достары және отбасы қатысты.
Шара шымылдығын ашқан К.Сахарованың айтуынша, домбыраға фортепиано сүйемелімен лайықталған орыс халық әндері, шетел композиторларының күрделі шығармалары кітапта жарық көрген. Ол музыкалық білім беретін оқу орындарының барлық деңгейіне арналған. Оның жарыққа шығуына ұстаздың 22 шәкірті көмектескен.
Гүлдана Жамбозова
