Атыраудағы Халықаралық турнирде жас балуандар сынға түсті (ФОТО)

atyrau06.11.2017 11:45

1 851

Биыл Кеңес Одағының спорт шебері, ҚР еңбегі сіңген жаттықтырушы, атыраулық ардагер Сулико Козонов 80 жасқа толып отыр. Осынау мерейтойға арнап, «Атырау» спорт кешенінде 2006-2008 жылы туылған жасөспірімдер арасында еркін күрестен халықаралық турнир өтті.

_EAC2893

Жарысқа еліміздің барлық өңірлерінен және Ресейдің Дағыстан, Қалмақ республикалары мен Орынбор облысынан, Өзбекстаннан 16 команда, барлығы 300-дің үстінде спортшы қатысты. Олар 12 салмақ дәрежесінде белдесті. Нәтижесінде, жеңімпаздар анықталып, бағалы сыйлықтармен марапатталды. Олардың арасында арнайы аталымдарға ие болған атыраулық палуандар да бар.

_EAC2956

«Бір кездері осында Тбилисиден қызмет бағытымен келген Сулико Козонов өткен ғасырдың алпысыншы жылдары Атырауда еркін күресті дамытуды қолға алып, отыздан аса Кеңес Одағының спорт шеберлерін дайындап шығарды. №1 спорт мектебінде жиырма жылдай жаттықтырушы болып еңбек етті», — дейді «Атырау» спорт кешенінің директоры Жалғас Өтебалиев.

_EAC2633