Атыраудағы халықаралық айтыста 2 млн теңге Шалқарбай Ізбасаровқа бұйырды (ФОТО)

Бүгін Атырауда өтіп жатқан «Рухани жаңғырған Қазақстан» атты халықаралық айтыс өз мәресіне жетті. 

Асанәлі Әшімов бастап, Светқали Нұржанов, Мереке Құлкенов, Есенғали Раушанов, Несіпбек Айтұлы, Ербол Тілешев, Алтынбек Қоразбаев, Бауыржан Қалиолла қостаған қазылар алқасының шешімімен халықаралық айтыстың Гран-Приі мен 2 млн теңге атыраулық Шалқарбай Ізбасаровтың қанжығасына бұйырды.

Бірінші орын және 1,5 млн теңгені Қытайдан келген қандасымыз Жәмиға Дәулетова иеленді.

Екінші орынды оралдық Жансая Мусина мен астаналық Еркебұлан Қайназаров өзара бөліссе, ал, үшінші орынға қытайлық Ерлан Абанқожа, шымкенттік Анар Жаппарқұлова, ақтаулық Абай Жалмағамбетов лайық деп танылды.

Гүлзада НИЕТҚАЛИЕВА

Суреттерді түсірген: Ерлан АЛТЫБАЕВ