Атырауда Тәуелсіздік күні мерекесіне орай қандай іс-шаралар өтеді?
Атырауда Тәуелсіздік күні мерекесіне орай тапсырылатын әлеуметтік нысандар мен өткізілетін мәдени-көпшілік шаралар бағдарламасын назарларыңызға ұсынамыз.
14 желтоқсан күні, сағат 11:00-де Геолог ауылы, «Мирас» ықшамауданында 165 орындық жаңа балабақшаның ашылу салтанаты өтеді.
Сағат 12:00-де Томарлы ауылында жеңіл атлетикалық және футбол стадионының ашылу салтанаты болады.
15 желтоқсан, сағат 19:30-да «Сұлтан Бейбарыс» алаңында (облыстық әкімдік алды) Қазақстан Республикасы Тәуелсіздігі күніне арналған «Тұғыры биік — Қазақстан» атты мерекелік гала-концерт өтеді. Кеш қонағы: «Кеш You» тобы.
Сағат 22:00-де аталған алаңда мерекелік отшашу болады.
Ал, сағат 19:00 — 01:00 аралығында «Сарайшық» коммуналдық базарында азық-түлік өнімдерінің түнгі жәрмеңкесі өткізіледі.
16 желтоқсан күні, сағат 11:00 – 12:00 аралығында «Сұлтан Бейбарыс» алаңында (облыстық әкімдік алды) Қазақстан Республикасы Тәуелсіздігінің 26 жылдығына арналған мәдени сазды бағдарлама ұйымдастырылады.
16-17 желтоқсан күндері, сағат 09:00-де «Сарайшық» коммуналдық базарында ауыл шаруашылығы өнімдерінің жәрмеңкесі болады.
17 желтоқсан күні, сағат 11:00 және 15:00-де Геолог ауылындағы «Шаңырақ» балалар үйі мен қаладағы Қарттар үйінде қайырымдылық концерті өтеді деп жоспарлануда.
Айдос Қарабала
