Атырауда медициналық сақтандыру жүйесі базарларда түсіндіріліп жатыр

Атырау облысы, Индер ауданында медициналық сақтандыру жүйесін ақ халаттылар базарларда түсіндіріп жатыр.

Индер аудандық жұмыспен қамту орталығы мамандары мен орталық аурухананың дәрігерлері аудан орталығында халықтың көп шоғырланатын «Талап», «Батыр», «Сәулет» базарларында болып тұрғындармен кездесті.

Кездесуде аудандық жұмыспен қамту орталығының басшысы Меруерт Нұғманова айтып өткендей, ауданда бүгінде медициналық сақтандыру жүйесіне азаматтардың мәртебесін анықтау жұмыстары жүруде.

Кездесуде аудандық орталық емхананың бас дәрігерінің орынбасары Күләш Қаражанова да міндетті медициналық сақтандыру жүйесіне кіретін жандарға берілетін көмек түрлерін түсіндірді.

 Саламат САНСЫЗБАЙҰЛЫ.