Атырау облысы Ш.Сариев атындағы көркемсурет және қолданбалы-сәндік өнер музейі Тамаша ойын-сауық орталығында «Ақжайық жағалауы сыр шертеді» атты қала тұрғындары мен қала қонақтарына демалыс ұйымдастыру мақсатында танымал суретшілердің жылжымалы көрмесін және Қ.Дүтбаева атындағы гуманитарлық колледж студенттері шеберлік сағаттарын өткізді.
Аталмыш көрменің мақсаты – Ақжайықтың кешегі мен бүгінін танымал қылқалам шеберлерінің туындыларын қала тұрғындары демалушыларына таныстыру және шеберлік сабақтарын өткізе отырып суретшілер шығармашылығына шабыт беру.
Көрмеге ҚР Суретшілер және Дизайнерлер Одағының мүшелері – М.Давлетьяров, К.Сәдір, А.Отаралиев, О.Кендір, Е.Бозжігітов, суретшілер Е.Дәукенов, Ж.Рахметов, Б.Ғалымжан және т.б. қылқалам иелері қатысып, Жайық жағалауында өз туындыларымен ұсынып, колледж студенттеріне шеберлік сағаттарын өткізді.
Сондай-ақ, қала тұрғындары мен қонақтары жағалауда өз бейнелерін танымал суретшілерге тегін салдыртуға мүмкіндік алды.
Нұрсұлтан ЕРТУҒАНҰЛЫ
