«Атырау-Астрахань» жолында 1 тонна балық тиеген көлік ұсталды

«Атырау-Астрахань» тас жолында 1 тонна балық тиеген көлік ұсталды. Бұл туралы облыстық Ішкі істер департаментінің баспасөз қызметі хабарлайды.

Олардың айтуынша, бүгін таңғы сағат 02:30-да қаланың шыға беріс жолында «Toyota Land Cruiser» маркалы автокөлік тоқтатылған. Тексеріс кезінде оның жүк салғышынан салмағы 1 тоннаны құрайтын 35 қап сазан балығы тәркіленген. Көлікті тізгіндеген 1995 жылғы Жанбай ауылының тұрғыны болып шықты.

«Автокөлікте жалған мемлекеттік тіркеу нөмірі орнатылған. Қазіргі таңда ҚР Қылмыстық кодексінің 196-інші бабына сәйкес тергеу амалдары жүргізілуде»,-деп хабарлайды Атырау облыстық Ішкі істер департаментінің баспасөз хатшысы Назымгүл Қайсағалиева.

Айқара Ғұмар