«Атырау-Ақпарат» ұжымы Құрманғазы ауданының халқымен кездесті (ФОТО)
«Атырау-Ақпарат» жауапкершілігі шектеулі серіктестігінің ұйымдастыруымен бастау алған «Туған жер» этно-мәдени шарасы шеңберінде аталған ұжымның аудан халқымен кездесуі өтіп жатыр.
Құрманғазы агро-техникалық колледжінде бастау алған кездесуді аудан әкімінің орынбасары Өркен Тәжібаев ашып, жүргізіп отырды. «Атырау-Ақпарат» медиасеріктестігі директорының орынбасары Рауан Сәбитұлы, облыстық «Атырау» газеті бас редакторының орынбасары Нұрлан Қабылов пен «Прикаспийская коммуна» газетінің бас редакторы Нәсіп Шалабаева қоғамда қызу талқыланып жатқан Елбасы мақаласы туралы кеңінен ой қозғап, басым бағыттарына тоқталды.
Кездесу барысында сөз алған ардагерлер мен аудан тұрғындары да өз ойларын ортаға салып, Елбасына мақаласы төңірегінде әңгіме өрбітті.
Кездесу соңында жиналған көпшілік көкейде жүрген сұрақтарын қойып, нақты жауап алды.
Нұрсұлтан ЕРТУҒАНҰЛЫ
Суреттерді түсірген: Әнуар ӘБІЛҒАЗИЕВ
