Atr.kz/11 қараша, 2019 жыл. Футболдан Қазақстан премьер-лигасы командалары біріншілікті аяқталды. «Атырау» мен «Ақтөбе» келер жылы бірінші топта өнер көрсететін болады.
Соңғы турда оңтүстік астанада «Қайратпен» кездескен атыраулықтар да, Қостанайда «Тобыл» клубына қарсы ойнаған «Ақтөбе» де 2:1 есебімен ұтылып қалды. 2018 жылғы маусымда бірінші топқа түсіп қалған Петропавлдың «Қызыл-Жар СК», сондай-ақ, Ақтаудың «Каспий» командалары келесі жылы Премьер-лига құрамында жасыл алаңға шықпақшы. Чемпионатты оныншы орынмен аяқтаған «Тараздың» тағдыры енді Оралдың «Ақжайығымен» өзара кездесуде анықталады.
Біріншіліктің алтыншы рет алтынын қанжығалаған «Астана» командасы 2020 жылы Еуропаның чемпиондар лигасында еліміз намысын қорғайтын болады. Алматының «Қайрат» күміспен күптелсе, қола жүлде Шымкенттің «Ордабасына» бұйырды. Қазақстан кубогын жеңіп алған Қызылорданың «Қайсары» алтылықты түйіндеп, тәуір өнер көрсетті.
Турнирдің қорытынды кестесі:
Команда О Ұ Т/о Ж доп Ұпай
1 «Астана» 33 22 3 8 67-28 69
2 «Қайрат» 33 22 2 9 65-32 68
3 «Ордабасы» 33 19 8 6 52-24 65
4 «Тобыл» 33 19 6 8 45-27 63
5 «Жетісу» 33 16 8 9 45-25 56
6 «Қайсар» 33 12 6 15 37-43 42
7 «Оқжетпес» 33 11 7 15 44-49 40
8 «Ертіс» 33 11 4 18 30-45 37
9 «Шахтёр» 33 9 8 16 40-47 35
10 «Тараз» 33 7 8 18 28-60 29
11 «Атырау» 33 6 8 19 25-58 26
12 «Ақтөбе» 33 7 6 20 35-75 15
