Әскерилер Атыраудан Қарағандыға жолға шықты

ҚР Ұлттық Ұланы Қарағанды қаласындағы 5451 әскери бөлімінің әскерилері Атыраудан аттанып кетті, — деп хабарлайды Атырау қалалық әкімдігі.

Атырауда жаға бекіту жұмыстарына бір ай бойына атсалысып, Құлсарыда қоғамдық тәртіпті қамтамасыз еткен әскерилер бүгін Қарағанды қаласына жолға шықты.

Атырау қаласының әкімі Шәкір Кейкин әскерилерге зор алғыс айтты.

Айта кету керек, өңірімізде сын сағатта қол ұшын созған қарағандылық әскерилерді алмастыруға Ақтөбе облысынан әскери қызметкерлер келе жатыр.