Әріптесіміз баспаналы болды

Жаңа жыл қарсаңында ұжымымыз жағымды жаңалықтың куәсі атанды. Облыстық «Атырау» газеті редакциясындағы тәжірибелі қызметкерлердің бірі – іс жүргізуші Тамара Тәйтекова көптен күткен арманына қол жеткізіп, екі бөлмелі жайлы баспанаға ие болды.

1992 жылдан бері «Атырау» газетінде жұмыс істейтін байырғы және тәжірибелі қызметкер тындырымды ісімен, тиянақты жұмысымен өзгелерге өнеге-үлгі болып жүр. Өмірлік жары екеуі екі қыз тәрбиелеп, өнегелі тәлім-тәрбие беріп келеді.

Әріптесімізді өміріндегі бақытты сәттердің бірі – баспаналы болу қуанышымен құттықтаймыз!

Дәулетқали АРУЕВ