APEC PetroTechnic жоғары колледжінде “Студенттік Ассамблея” ашылды
Бүгін APEC PetroTechnic жоғары колледжінде «Студенттік Ассамблеяның» ашылу салтанаты өтті.
Іс-шараның мақсаты — университет пен колледж студенттері арасында достық, бірлік және өзара түсіністік қағидаларын насихаттау.
-Біз осы меморандум арқылы жастар қозғалысын дамытуда жаңа бір белеске қадам баспақпыз. Бүгін қол қойылатын құжат, біріншіден, жастардың өздерін көрсетуіне, бастамаларын жүзеге асыруына, шығармашылық әлеуеттерін ашуға үлкен мүмкіндік береді. Бұл ынтымақтастық аясында жастар тәрбие жұмысын ұйымдастыру мен қоғамдық жобаларды жүзеге асыруда бірлесе жұмыс атқаратын боламыз. Талантты жастарды қолдау, олардың білімге деген құштарлығын арттыру, еліміздің болашағына жауапкершілікпен қарауға тәрбиелеу — осы меморандумның басты мақсаттарының бірі, — дейді Қазақстан халқы Ассамблеясы «Ассамблея жастары» республикалық қоғамдық бірлестігінің төрағасы Тимур Жұмырбаев.
Аталмыш іс-шараның соңында Қазақстан Халқы Ассамблеясы жанындағы «Ассамблея жастары» республикалық қоғамдық бірлестігінің Атырау облысындағы өкілдігі мен APEC PetroTechnic жоғары колледжі арасындағы ынтымақтастық туралы меморандумға қол қойылып, студенттерге Студенттік Ассамблеяның куәліктері табысталды.
Тоғжан ЕРМЕК
