Алдағы су жетіспеушілігі мәселесінің алдын алу бойынша жұмыстар жүргізілуде

Болашақта өңірде су жетіспеушілігі 30 пайызға дейін өседі деп болжануда. Осыған байланысты жаңадан сүзгі станцияларын іске қосу жұмыстары қолға алынды.
Атырау облысының әкімі Серік Шәпкеновтің айтуынша, қазіргі кезде №5 сүзгі станцияның құрылысы жүргізіліп жатыр, алдағы жылы ол толығымен аяқталады.
Ал №6 су сүзгі станциясының жобалау-сметалық құжаттамасы әзірленіп жатыр, құрылыс жұмыстары келесі жылы басталады. Сонымен қатар осы екі сүзгі станцияларына су беретін су сорғы станциясын салу жоспарланып отыр. Құрылысы келесі жылы басталады, деді әкім ОКҚ алаңында өткен баспасөз конференциясында.