Алаштың арманы тоғысқан Астана

  Елге – мәртебе, ұлтқа – мақтаныш, әлемге – өнеге!

  Бүгінгі күні кәмелет жасқа толып, аз ғана жылдың ішінде әлем таныған әсем қалалардың қата- рынан көрінген Астананың Тәуелсіздік тарихындағы орны ерекше. Тіпті, Тәуелсіздік жылдарындағы басты жетістіктерінің бірі ретінде де, өткен жылдардағы жеті кереметтің бірі ретінде де жұрт осы алаштың айбынды Астанасын ауызға алады. Өткен 18 жыл аралығында әлем Астананы Қазақ елінің бас қаласы ретінде танып қана қойған жоқ, Еуразия кіндігіндегі ең белсенді орталыққа, әлемдік деңгейдегі шешімдер қабылданатын орталыққа айналғанын да мойындап отыр.